من هو اشرف................؟؟!!!

بحب اعرف عن نفسي للجميع

حلو الانسان يعرف مع مين بتعامل........


اسمي اشرف سكان مدينة نابلس حاليا(الله اعلم وين اكون بعدين.....)

موالي 28/4/1986
يعني ختيار


خلقت بالاردن

بلا جنسية بسبب سحب الجنسية الاردنية وعدم وجود جنسية فلسطينية
عشت في السعودية(طبعا كنت مش عارف شي ومش متذكر شي قطعيا)
وبعدها على الاردن(تقريبا متذكر شوي لانها كانت بعض اللقطات الرائعة بالحياة)
وبعدها على نابلس(هي حلوة وعشت فيها مدة طويلة لكن الوضع فيها بالوقت الحالي.....زبالة اسف على التعبير لكن هادا الواقع)
وبعدها رجعت على الادن لحالي(وقتها انسحبت الجنسية طبعا انطعنت من كل قريب وغريب بالاردن الا من رحم ربي لكن عمري ما رح انسى اللي شفو من كل اللي أذوني.....الله يسامحهم)
بعدها رجعت على نابلس عند اهلي(بس ما طولنا فيها لانا رحلنا على.........بيت لحم)
وبعدها على نبيت لحم(كانو اروع واجمل ناس تعرف عليهم بحياتي ولا ولم ولن انساهم)
وبعدها رجعنا على نابلس كمان مرة....(حسيت حالي السندباد مع انو حلو الواحد يترحل لاني تعلمت من الحياة والتقيت بناس من اروع الناس
لكن بضل الها سلبيات..
انا بدرس جمة اجتماعية يعني:علم نفس وعلم اجتماع مع بعض لكن تطبيقي
طبعا دخلت الجامعة بعد صراع مرير مع التوجيهي لمدة 4سنوات.........(انا كنت من الاوائل لكن الله اعلم شو الظروف اللي كانت...)
حاليا بفكر بالهجرة لبرة لكن بدي ادبر امور الجنسية لانو طلعت روحي مش من البلد من كل اللي بصير معي ومع اللي حوالي



عندي كلمة دايما بحكيها وبحكيها للجميع.............
يا رب تهون


اخوكم دوما وليس يوما


اشرف

اهلا وسهلا فيك أشرف ...يعني اسمك أشرف واحنا النا الشرف انو نتعرف عليك وانك تكون عضو بالمنتدى ....وان شاء الله يكون اسمك معبر عن شخصيتك انك من الشرفاء ...
حياتك يعني عن جد انت سندباد فيها ..بس مش مشكلة الحياة حلوة حتى لو فيها هيك اشي ..
ودايما اضحك لانو بالدنيا هاي لسى في التعبان فيها اكتر منك ....وان شاء الله بتتوفق بحياتك
وعلى جميع الاصعدة فيها ....وبتكون حلوة على طول ,,,,
تقبل احترامي وتقديري
رحيق حلم

[quote="ام الوديع _الناصرة"]اهلين فيك اشرف بدي احكيلك شغلة ويمكن انت تعلمتها من تجارب الحياة بانو في ناس سلبيين او بالاحرى سلبياتهن كتيرة وبتشوف سلبياتهن قبل متشوف حسناتهن بس نصيحتي الك انك تستغل القسم المنيح فيهن والشغلات الحلوة لحتى تعرف تتعامل معهن ..وبالتوفيق بحياتك علمي عملي عاطفي ..وانشالله بتحصل على الجنسية وبتكمل تعليمك وبتنجح ...تحياتي الك[/q


شكرا الك ولمرورك وانا اللي الشرف اني اتعرف عليكم

رحيق حلم كتب:

اهلا وسهلا فيك أشرف ...يعني اسمك أشرف واحنا النا الشرف انو نتعرف عليك وانك تكون عضو بالمنتدى ....وان شاء الله يكون اسمك معبر عن شخصيتك انك من الشرفاء ...
حياتك يعني عن جد انت سندباد فيها ..بس مش مشكلة الحياة حلوة حتى لو فيها هيك اشي ..
ودايما اضحك لانو بالدنيا هاي لسى في التعبان فيها اكتر منك ....وان شاء الله بتتوفق بحياتك
وعلى جميع الاصعدة فيها ....وبتكون حلوة على طول ,,,,
تقبل احترامي وتقديري
رحيق حلم

شكرا الك ولمرورك وانا اللي الشرف اني اتعرف عليكم