السلام عليكن ..
كيفكن ياحلوين .. كيف الجميع .. عليم الله اشتقتلكن .. سامحوني على الغياب الطويل يللي انفرض علي .. وخاصة بعد الحالة النفسية والمعدنية يللي اصابتني .. كنت شوي عم بمر بظروف صعبة عم تشوش على افكاري وابداعاتي ..
واليوم .. نعم من اليوم .. انا معكن .. ومارح اغيب عنكن .. لانوا فعلا ثبت عندي اني بحبكن
وحبيت احطلكن موضوع ظغنطوط عن اسئلة دائما بنسأل عنها .. وياجماعة لما بسمعها بحس اكلت شي ارباميت كف (400 كف)على غفلة
اسئلة بتمر بحياتنا اليومية .. بس مامنلاحظها لكترتها
بكون فايق من النوم وعم البس بسرعة ومستعجل ومتأخر عن الشغل اليومي .. ولا بيجي واحد من أهلي بيقلي وين رايح .. ؟؟ !!
بقول مالي رايح لمحل .. بدي بس اتمشى شوي واشم هوى وارجع خهخهخه
فجأه هون بيطلع سؤال تاني .. مارح تروح على الشغل .. وصار وقت شغلك دير بالك تتاخر ؟؟ !!
انا هون بنفلج وبيصير معي داء الصرع ..
بقول اي ان شاء الله بدي اروح مالي نسيان موعد الشغل خهخهخهخ
بدخل على المكتب بشوفني المدير .. بقول لي .. وصلت حبيبي ..؟؟
بقله لا انا لسه على الطريق .. بس هاد اللوح يللي قدامك خيالي سبقني وانا بعد شوي بصل على المكتب خهخهخه
بكون بالمكتب وقاعد عم اشتغل وغرقان بالشغل .. بيجي واحد من الموظفين .. بقلي عم تشتغل .. ؟؟ !!
بقله لا عم العب بس عامل حالي عم اشتغل خهخهخهخهخ
عندي استراحة يومية .. ساعة واحدة باليوم .. وانا بسكر مكتبي من شان اطلع بيسألني واحد من الفهايم يللي بدو ياخد الاستراحة متلي وين رايح ..؟؟
بقله مافي شي رايح ع الحرب ورجعان .. مابطول بروح بحارب وارجع خهخهخهخ
بكون قاعد بالبيت .. ومشغل التلفزيون .. وعم اتفرج على مباراة ومندمج ع الاربا عشرين .. بيجي واحد من عندي .. بيوقف قدام التلفزيون .. بقول بعدوا من قدام التلفزيون .. بردوا علي بكل استغراب .. ليش عم تترج على المباراة ..؟؟
بقول لا ماعم اتفرج على المباراة .. عم بجرب التلفزيون بس مو اكتر خهخهخهخه
كل هاد ومابدكن انجلط .. يا جماعة بربي شي بيجلط .. اسئلة مافي داعي منها .. ليش كترت الحكي .. ؟؟
والله بعد هالغلى .. بكرا بدوا يصير الحكي واللقش بمصاري .. فخليكن تتقشفوا بالحكي واللقش من هلق احسن ماتتفاجؤا .. انا عم قلكن وقد اعذر من انذر ..
او يلا احكوا استغلوا الفرصة .. بكرا الحكي محسوب علينا
مابدي اتقل عليكن .. لانوا كنت عم بكتب وعم اكل .. نعني بالمشرمحي انا مالي فاضيلكن .. على كل حال حبيت احطلكن موضوع ظغنطوط .. مو متل كل مرة .. من شان ما اطول عليكن .. ومن شان ابقى مهضوم
موضوع: أسئلة يومية .. بتجلطني .. وبتخليني خارج حدود العقل 
2008-04-20, 10:10 pm
