.-~```.......~-.كتائب ابو وديع.-~.......````~-.
 
البوابةالرئيسيةمكتبة الصورالتسجيلدخول

شاطر | 
 

 أتخيلي يوم من الأيام..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Dina
وسوفي رااائع جدا
وسوفي  رااائع جدا
avatar

انثى
عدد الرسائل : 960
العمر : 26
مكان اسكن : الثانويه
المزاج : ماشي حالو
الاوسمة : 3
تاريخ التسجيل : 03/03/2008

مُساهمةموضوع: أتخيلي يوم من الأيام..   2008-03-31, 2:28 pm

أتخيلي يوم من الأيام..
بس مجرد خيــــال...

أتخيلي يوم قمتي من النوم ولا انتي

((ولـــــــــــــــد))

وحياة البنات خلااااااص راحت..

وش بتسوين؟!!......

قمتي عليك ثوب نوم عقب البجامه <<<هذا اذا لابسه ثوب بعد

ناظرتي نفسك في المرايه وأرتعتي

وش ذا الشنب؟!!!!!!!!!!.......

ووين شعري؟!!!!!!!!!!!!.......(الطويل كل يوم اقعد وانواع الحركات والخرابيط فيه )راح

بعدين تذكرتي
ايــــــــــــه صح...أنا ولد..

رحتي للحمام وانتي بكرامه شفتي نفسك مع المرايه
شفتي دقن طالع لك


مسكتي مكينة الحلاقه

بتعرفين تستخدمينها؟؟!!!!!!....

لعوطتي الدنيا وطلعتي أهم شي شلتي الدقن لو بالحلاوه خخخخ


قمتي فتحتي الدولاب شفتي الدولاب كله ثياب تتشابه

وين الفساتين؟!
والتنانير؟!
والبلايز؟!
والبناطيل؟!
والشناط؟!

بعدين تذكرتي
ايــــــــه صح.. أنا ولد.....

وطلعتي ثوب ابيض ولبستيه وطلعتي شماغ ولبستيه
او كاب مع بدله وبنطلون
رحتي عند التسريحه
وين ماكياجي؟!

عطوراتي ؟!
اكسواراتي؟!
بكلاتي!؟
ووووو

صح انا ولــــــد
طبعا ايش موجود
عطر واحد اثنين
كبك اذا مشتهيه تكشخين بعد
خاتم اذا لبستي بعد
وكم شغله




وأخذتي جوالك..
ولقيتي فيه مسج من ولد جيرانكم
كنتي قبل تستحين منه وعاجبك شكله والحين راسل لك مسج..
وش بتسوين؟!!!!!....

أخذتي بوكك بس أنتبهتي لشي بجنب الجوال والبوك

مفاتيح؟!!!!!!....

اللــــــــه ونــــــــاسه يعني بتسوقين؟!!
يله ايش لون سيارتك

وردي بنفسج عنابي و........
لا انا ولد
يعني
اسود
كحلي
ابيض
رمادي
ازرق
ذهبي



حلــــو يازين حيـــــــاة الأولاد

أخذتي المفاتيح مبســــــــوطه ومن قدك مفاتيح سيارتك معك

وأنتي على الدرج سمعتي أمك تناديكـ...

لحظه......





وش أسمكـ ؟!!!!!!!!!!......





يالله أختاري..
عدنان..
فهد..
نواف..
سامي..
نايف..
طلال..
فيصل..
بدر..
ريان..
وليد..





طيب بنتخيل اسمك ريان<< تحب هالاسم ..

نادتك امك: ريان وأنا امك خذ الاغراض وركبها في السياره علشان اليوم فيه أستراحه مع خوالك

ناظرتي الأغراض
كل شنطه أكبر من الشنطه الثانيه...

وش بيشيل ذي؟!!!!!!!.......

خلاص ياريان أنتي رجال وهالشي بسيط بالنسبه للأشياء الجايه...

خذتيها وطلعتي في الشارع وحطيتي الشنطه في السياره بصعووووبه...

لحظه..

لحظه..

ما انتبهتي على شي؟!!!!!!......







أنتي بدووون عبــــايــــه..





يــــــــاااااااااااااااااي وناااااااااااااااااااااااااااانسه...





لحظه وش يـــــااااي هذي؟!!

هذي حركات دلع

قول
ياااااااااااااااااااااااااااااهــــــــــــووووووو ووووو..................





ركبتي باقي الأغراض وجلستي ساعه في السياره تنتظرين خواتك

رحتي تشوفين وش أخرهم

لقيتي وحده حاطه اللفافات في شعرها

وحده تحط مكياج

وحده محتاره بين تنورتين


حنيــــــــتي لهاالحركات

بس سويتي نفسك يعنني رجال

ضحكتي بسخريه: ههههه أما انتم يالبنات عليكم حركااااااات

المهم خلصو
وطلعو

ركبتي السياره بتسوقين..

من قدك أنتي عند الباب..


مشيتي بالسياره
وبعد طريق طويل وقفتي عند أشاره

التفتي شفتي شااب في سيارته يجنن موووووووت


أطلقتي صفاره لاأرادي

وبققتي عيونك

لحظه..
لحظه..

خلي عيونك قدام
أنتي رجااااااال...

بلاش حركات البنات
حدكـ البراقع..





وصلتو عند الأستراحه
نزلتي الأغراض لأهلك

ركبتي السياره

سمعتي صوت خشن ينادي:ريان........


التفتي لقيتي عيال خوالك جالسين يناظرونك..

وكلهم يمشوون جايينك..


وش بتسوين؟!!!!!!!!!!!!!!!!.......




المشكله انك تستحين عيال أقاربك

جو وسلمو عليك

واحد يقول: وينك ياريــــــــان مختفي ماتنشاف

وواحد يقول: من طول الغيبات جاب الغنايم

والثاني يقول: ولا بعد ناوي تنحاش

وثالث يقول : أسفطهم بس وعلمنا وش أخبارك



وأنتي حظرتك منزله راسك

مستحيه
ووجهك طماطه

واحد قال: وش فيك يابو الشباب تغيرت علينا

رفعتي راسك وجلستي تطالعينهم

هذا أحلو..
وهذا طال..
وهذا مسمر..
وهذا من عرفته وهو شين..
وهذا فلانه تحبه ..


يوم كنتي بنت عارفه اسرار البنات كلها

قلتي في نفسك لما جى واحد ثاني
"يألــــــــلــــــــه هذا تغيــــــــر"

كان خبرتك في عيال خوالك زينه قولي من هذا؟!


سألتيهم بعد تردد: هذا ولد خالي مـ......





وسكتي...





وش هالصوت؟!!!!...





خشــــــــــــن...





هم أنتظروك تكملين جملتك

بس أنتي واقفه ومطيره عيونك

عرفك على نفسه

وجلسو يسولفون مع بعض

أنتي أعتذرتي وقلتي أنا مواعد الشباب في استراحه


رحتي وأنتي كارهه نفسك



وش هالعيشه؟!!!!





مشيتي بالسياره..





وين بتروحين؟!





ماعندك اصدقاء..





أنتي طلعتي من عند خوالك علشانك مليتي من سواليفهم


سواليف الشباب بايــــخه



وين تروحين؟!


بيت عمك

خلاص بنت عمك ماعادها صديقتك

بيت عمتك خلاص بنت عمتك تستحي منك

وين تروحين؟!؟



عيال عمك مجتمعين تروحين عندهم؟!


صعبه
توك لين الحين تستحين


جلستي تدورين بالسياره

وأنتي عارفه ان بنات خالك مجتمعين في الاستراحه

وأكيد وناسه


وبنات عمانك بيجتمعون في بيت وحده من عماتك


وأكيد الجلسه فله

جلستي تدورين بالسياره
كارهه نفسك

صوتك..
جسمك..
شعرك..
خشونتك..
شواربك..
يدينك..
رجولك..
لبسك..


كل شي فيك كارهته


وقفتي السياره على جنب لأنك تعبتي

ماتدرين لوين رايحه

رن جوالك وكان منور بأسم واحد من اصدقاء أخوك


ماقدرتي تردين

قلتي في نفسك
" والله زمــــان
هذا قبل كان عاجبني وكنت إذا عرفت انه بيجي لبيتنا تفننت بالطبخات..ومابقى شي من أدوات التجميل الا وحطيتها.. "

رن للمره الرابعه بس ماكنتي تردين
بس في الأخير رديتي
وأنتي كارهه هالصوت عقب الصوت البناتي

: الو
قال: الو.. اهلا أبو الشباب وينك ياخوك عن الجوال
: كنت في البقاله وهو في السياره
قال: وش أخبارك؟!
: ماشي الحال..أنت وش أخبارك؟! وش أخبار الشباب؟!
قال: كلنا بخير ويسلمون عليك
..ها ياخوك وين أرضك؟؟
: والله جالس أدور ماعندي شي
قال: تعال عندنا في أستراحتنا كل الشباب جالسين
: أخوي فيه؟!
قال: لا.. أخوك يقول انك مع خوالكم في أستراحه
: ايه..بس طلعت
قال: اجل حالف أنك تجي تتعشى معنا

أنتي هنا استحيتي
: لا الله يسلمك هذا انا عند باب أستراحه مع ربعي
قال: براحتك..يسلمون عليك التماسيح الي عندي
: ههههه الله يسلمكم من الشر
قال: توصيني شي؟!
: سلامتك ياخوك..
قال: الله يسلمك يارب.. يالله اجل مع السلامه
: هلا والله

سكرت السماعه
أنتي عارفه ان الكل يحاول يساعدك على أنك تتأقلمين مع الجو

بس أنتي الي ماحبيتي هالعيشه

عيشة الشباب


أكيد مشتاقه تفضفض لصديقتك

بس خلاص هي تعتبرك غريب


رن جوالك منور بأسم ولد عمك

مارديتي


لأنك عارفه إن بنت عمتك تحبه

وحسيتي وقتها وكأنك بتخونينها

بعد ماشفتيه مصمل على المكالمه
رديتي
:الو
قال: اهلا بولد العم
: هلا
قال: كيفك؟! وش أخبارك؟! بشرنا عنك؟!
: تمام بخير..أنت شلونك؟!
قال: الحمد لله.. وينك ياشين؟!
: هههه.. انا ضايع يالأطخم
قال: أفا.. ضايع!! وين يعني؟!
: ضايع في هالدنيا.. في هالعيشه..عيشتكم
قال: أتعوذ بالله من الشيطان..ولاعاد تقول مثل هالكلام.. وأنت مو أول ولا أخر واحد يصير معه كذا
: اعوذ بالله
قال: ولا يهمك يالحبيب .. تعال شفنا انا وعيال عمانك في بيتنا تعال عندنا والله الجلسه وناسه وماناقصنا الا انت
: بس أنا مواعـ ـ ـ ـ....
قاطعك: لا تكذب أخوك توه جاي من عند خوالك ويقول انك قايل هذا الكلام ويقول أخوك ان ماعندك ربع..تعال بس
: لا لا انا مواعد واحد ماتعرفونه
قال: شف إما تجي ولا رح لبيتكم وذاكر ترى الاختبارات على الأبواب وخلاص انت ولد ماعاد فيه أنا بنت إذا حصلت لي الجامعه ولا بتزوج..لا الحين مجبور جامعه يعني جامعه..

أكيد ضقتي لما تذكرتي هالشي

قال: يا تجينا يا تروح بيتكم أختار يالشين
: خلاص بأجي
قال: ايه خلك كذا ياشيخ ماينفع معك الا ولد عمك
يالله يابوي جب معك حب مصري مع السلامه

سكر السماعه وأنتي تفكرين وش بتقولين في هالجلسه؟!
وش لون بيستقبلونك؟!..
بتستحين ؟!!!!...
ولا بوجود أخوك بتتجرأين؟!!!

على فكره بيت عمتك قبال بيت عمك وبيت عمتك البنات فيه وبيت عمك الشباب فيه

صعب الموقف
صعب


مريتي البقاله وشريتي حب مصري
ورحتي لهم

وقفتي قبال بيت عمك وقلبك مع بيت عمتك
انتبهتي لبنات يطلون عليكـ من الشباك

قبل كنتي معهم الحين مع هالتماسيح

وتمنيتي أنك بنت
مثل ماكنتي من قبل تتمنين أنك ولد

دخلتي عند الباب
اول مادخلتي
: السلام..

كانو متحمسين يشوفونك لدرجة ان ماحد رد السلام الا اخوك

أستحيتي من نظراتهم

بعدين رد ولد عمك السلام
وكأنه يذكرهم

قام ولد عمي وقال: حياك تفضل
وجلستي جنب أخوك
وأخوك كل أشوي يهدي من أرتباكك
بس كيف بترتاحين وهذيلا نظراتهم كذا

طبعا المجلس كان شبه مجلس أو بقايا مجلس

لأنه قمه في الوساخه
بعكس جلسات البنات

كان ودك تقومين وتنظفينها بس منحرجه

لعبو بلوت سولفو
وضحكو
بس أنتي ماحبيتي الجلسه ابدا ابدا ابدا





وفجأه..............







قمتي من النوم عليك البجامه بدال ثوب النوم

ناظرتي نفسك على المرايه

هذا شعرك......

وراح شنبك........


فتحتي الدولاب
فساتينك
تنانيرك
وكل ملابسك موجوده

أحترتي بين تنورتين
لففتي شعرك
تمكيجتي

جى أخوك وضحك بسخريه: أما أنتم يالبنات عليكم حركات

خذتي جوالك لقيتي مسج من بنت جيرانكم

نزلتي لقيتي أخوك بالش بشيل هالشناط

لبستي عباتك وطلعتي

((( بعباتك )))


وأنتم عند الأشاره شفتي واحد يجنن مووووت

وأشرتي لأختك علشان تشوفه
بس من دون مايدري هالزين

وصلتو للأستراحه
شفتي العيال عند الباب وعطيتيهم أشكل
ودخلتي وجلستي مع بنات خوالك وكانت الجلسه ونــــــــــــاسه

دقيتي على أخوك يوديك لبيت عمتك لان البنات مجتمعين

ووافق

يــــــــاااااااااااااااي ونــــاسه

يااااي مو ياااهــــو..

رحتي لهم وكانت الجلسه فله والصاله الي جلسو فيها تبرق من النظافه
yaaaay

hahahaha
Dina
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.farfesh.com
 
أتخيلي يوم من الأيام..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.-~```.......~-.كتائب ابو وديع.-~.......````~-. :: منتديات المرح والتسلية :: منتدى الضحك الصرقعه ههههههههههههههه-
انتقل الى: